2.5 - Čuomaid dipmadeapmi

Čuomaid ferte bures dipmadit maŋŋel go leat goikan oba muddui.

Go leat geargan ostemiin dahje go leat leamaš monnevuoidasis ja čuomat lea veahá goikan, de galggat daid vuoidat ja ruvvegoahtit vai dipmet. Sáhtát oastit válmmas vuoidasa dahje ráhkadat ieš ná:

seaguhat:

• 0,5 dl čázi
• 2 monnefiskadasa
• 1 dl oljju
• 1 deadjabastte sáibbu.

Vuoidda vuoidasiin ja divtte veahá goikkihit fiello nalde. Njulge bures čuoma fiello nala. Go vuoiddas lea veahá goikan, de galggat álgit ruvvet ja dipmadit dan čuoma.

Galgá ruvvet dassá čuopma lea goikan ja dipman. Sáhttá ruvvet omd. juogalágan ravdda vuostá. Guollečuoma ii sáhte jiehkkuin neaskit, dasa gal dat lea beare asehaš. Go geargá, de lea buoremus dan vurkkodit galbmasis.