Guollenáhkit dahje čuomaid leat áiggiid čađa atnán feara masa, sihke čikŋan ja atnudiŋgan.
Dološ áiggi rájes leat dikšojuvvon čuomain gorron gápmagiid, biktasiid ja lávkkaid. Muđui leat goikaduvvon báldánáhki atnán lásen gođiin ja visožiin. Lea gullon ahte leat dikšojuvvon čuoma atnán rávdadit gáfe. Bessodagaid ja eará báttážiid leat maid dološ áiggi ráhkadan guollečuomain, ja dasa lei stáidnára náhkki buorre, go dat lei hui nanus.
Dán áiggi adno dikšojuvvon čuopma lávkkaide, čikŋaveaskkuide ja skuohpuide. Duojárat sáhttet biktasiid ja muhtun lágán viessodávviriid čiŋahit čuomain.