Luondu ja biras

Oahpponeavvu birra

Luondu ja biras lea oahpponeavvu luonddufágii nuoraidskuvlla dássái, muhto sáhttá maid geavahit joatkkaoahpahusas. Oahpponeavvu lea lassioahpponeavvu maid sáhttá geavahit lassin eará oahpponeavvuide. Dat ii govčča iešokto eará go muhtin gelbbolašvuođamihttomeriid oahppoplánas.

Oasit oahppoplánas masa oahpponeavvu heive:

  • Maŋŋil 10. jahkeceahki: Olmmoš ja luondu ja Luonddu girjáivuohta
  • Maŋŋil Jo1-studerenráhkkanahtti oahppoprográmma: Guoddevaš ovdáneapmi

Sisdoallu lea davviguovlluid perspektiivvas ja muitala earret eará luonddu, álbmogiid, dálkkádatrievdamiid ja nuoskkideami birra árktalaš guovllus. Das lea teaksta, govat, illustrašuvnnat, filmmat ja animašuvnnat.

Oahpponeavvus lea maid veahá eará guovlluid birra dan dihte go buot gullá oktii. Das mii dáhpáhuvvá muhtin guovllus máilmmis sáhttet leat váikkuhusat olles máilbmái.

Bargobihtát leat iešguđetláganat:

  • Vástidit gažaldagaid
  • Čállit teavsttaid
  • Smiehttat
  • Digaštallat
  • Ságaskuššat
  • Iskat

Jurdda lea ahte oahppit galget hástaluvvot smiehttat ja aktiivvalaččat čađahit iskamiid ja bargguid.

Sánit leat čilgejuvvon sámegillii, muhto lea maid sátnelistu mas leat jorgaluvvon dárogillii.

Oahpponeavvu lea luonddufágii, muhto dan sáhttá geavahit maid eará fágaide, ovdamearkka dihte sámegieloahpahusas.