Luondu ja biras

1.2 - Mearrarávnnjit ja biekkat

Govva
Creative Commons by-nc-sa
Govva: Dr. Michael Pidwirny, Kilde: Physicalgeography.net.

Mearrarávnnjit

Mearrarávnnjit, dain maid Golf-rávdnjevuogádat, fievrredit olu galbma ja liegga čázi gaskal ekváhtora ja polaid ja muddejit temperatuvraerohusaid eatnamis. Dainnalágiin leat mearrarávnnjit deaŧalaččat dálkkádahkii. Davimus guovlluin Skandinavias ja Kolas lea lieggaset dálkkádat go eará guovlluin Árktisas. Mii dan dahká lea Norgga atlanteráhperávdnji (Den norske atlanterhavsstrømmen) mii johtá Norgga rittu mielde ja fievrreda liegga čázi davásguvlui. Norgga atlanteráhperávdnji lea suorri Davviatlanteráhperávnnjis (Den nordatlantiske strømmen). Dát rávnnjit ovttas eará rávnnjiiguin gullet dasa mii gohčoduvvo Golfrávdnjevuogádahkan.

Biekkat

Dutkan čájeha ahte eai leat dušše liegga lullebiekkat mat dolvot Norgga atlanteráhperávnnji davásguvlui. Galbma davvebiegga duvdá čázi lulásguvlui nu ahte Norggamearas unnu čáhci. Norgga atlanteráhperávdnji váldá dan čázi saji mii lea duvdojuvvon lulás.

Loga eambbo Loga eambbo