Luondu ja biras

2.9 - Divrrit

Lyd: 
Govva
Creative Commons by-nc-sa
Govva: Adam K. Hætta, Kilde: Ovttas.no.

Divrrit leat deaŧalaččat elliide, šattuide ja olbmuide. Dat leat oassi biepmusráidduin. Čuoikkat ja čurohat leat bures heivehuvvon galbma guovlluide. Galbmaseamos guovlluin Arktisas eai leat girdidivrrit dábálepmosat. Eanas divrrit árktalaš guovlluin leat eatnamis dahje čázis.

Nálleprošeavtta (Artsprosjektet) oktavuođas mii rahppui jagis 2009 leat dutkit bargan divrriid kártemiin, sihke oahpes ja amas divrriid. Ulbmil prošeavttain lea kártet ja hukset máhtu divrešlájaid birra mat gávdnojit luonddus Norggas. Jagis 2010 bivde dutkit divrriid čáhcebáikkiin Finnmárkkus. Gávdnojedje eanet šlájat go ledje vuordán. Oktiibuot gávdne 762 šlája. Bealli dain eai lean goassege ovdal duođaštuvvon gávdnon Finnmárkkus. Muhtin šlájat ledje áibbas apmasat diehtagii.

Ruonáeatnamis ja árktalaš sulluin Kanadas gávdno beaiveloddi mii gullá børstespinner-jovkui, (Gynaephora groenlandica) ja lea máilmmi davimus ealli beaiveloddi. Dat beaiveloddi galgá leat divri mii gierdá galbmasa buoremusat. Beaiveloddi ceavzá dálvvi badjel máđu hámis. Máhtu molsu náhki guđa geardde ja ádjána olles čieža jagi ovdal šaddá beaiveloddin.