DÁPMOT

Govva
Creative Commons by-nc-sa
Govva: commons.wikipedia.org.

Dápmot lea guolli mii gávdno buot davviriikkain - eanas jávrriin ja jogain. Ii makkárge sáivačáhceguolli leat nu bivnnut Norggas go dápmot. Dápmot lea gullevaš luossaguliide, ja gávdnojit golbma iešguđetgelágan dápmotnáli. Náliid ektui lea sámis siseatnandápmot dat buot dábáleamos. Muhtin báikkiin gávdno arvedávgedápmot, ja loahpas lea mearradápmot mii gávdno mearas ja jogain mat golget merrii.

Dápmot sáhttá šaddat hui stuoris. Lea oalle dábálaš ahte goddojuvvojit dápmohat mat leat badjel 10 kilo, muhto dábálaččat leat dápmohat maid goddá gaskkal 1 kilo ja 3 kilo. Muhtin jávrriin ja jogain gos lea valljit biebmu, sáhttet dápmohat leat stuorrát. Dápmot liiko oalle galbma čáhcái, ja go šaddá liekkas geasset, de dápmot fárre báikkiide gos lea galbma čáhci. Go eahkes ja ihkku galbmá, de dápmot sáhttá boahtit lagabui gátti guohtut, ja dalle sáhttá leat buorre oaggut. Dápmot gođđá čakčat jogain ja bidjala meađđemiid sádduid sisa.

Dápmot lea hui bivnnuhis vuoggunguolli danin go dápmot gávdno jogain, jávrriin ja mearas, ja lea hui gievrras guolli mainna šaddá bargat guhka ovdal nagoda váibadit. Dápmot lea maid hui bivnnuhis biebmoguolli maid sáhttá geavahit vaikko movt.