Luondu ja biras

4.2 - Vuovde- ja muorrašlájat

Govva
Creative Commons by-nc-sa
Govva: Glen Arbor, Kilde: flickr.
Govva
Creative Commons by-nc-sa
Govva: Jim Champion, Kilde: Wikimedia Commons.

Lunddolašvuovdi lea vuovdi gos muorat šaddet lunddolaččat. Olbmot gal murrejit ja vánddardit ja dainna lágiin váikkuhit, muhto eai gilvve muoraid. Ođđa muorat šaddet fas jalgŋáin.

Gilvvavuovdi lea vuovdi gos visot muorat leat gilvojuvvon. Álggos vuos njeidet vuovddi ja de gilvet unna muoražiid miehtá dakko gokko leat čuollan. Dakkár vuovdi lea dego bealdu, ja buot muorat leat ovtta agis ja sturrodagas ja lea unnán jápmamuorra. Dat daguha ahte olu šattut ja eallit jávket.