Luondu ja biras

4.5 - Boreála arvevuovdi

Govva
Creative Commons by-nc-sa
Govva: Jarek Tuszynski, Kilde: Wikimedia Commons.

Boreála arvevuovdi lea guossavuovdi gos lea dássedis njuoska áibmu. Dakkár vuovddis leat olu jeagel- ja sámmálšlájat, ja ii gávdno šat galle sajis máilmmis.

Norggas lea vel dakkár arvevuovdi rittus Trøndelaga fylkkain ja Nordlándda fylkkas. Muđui vel Eurohpás lea veahá dakkár arvevuovdi Skottlánddas ja Irlánddas. Dan rájes go registrerejedje boreála arvevuovddi Norggas 1930-jagiin, de lea jávkan gaskkal 60 ja 90 % arvevuovddis 1997 rádjái.