4.6 - Mangrovevuovdi

Mangrovevuovddit šaddet mearragáttiin tropalaš guovlluin. Mangrovemuorat šaddet birra joganjálmmiid, ulli ja fiervvá gaskkas, ja girdet hui sálte čázi.

Dain lea earenoamáš ruohtassystema ja sáhttet filtarastit eret sáltti go njammet čázi ja bibmosiid. Máŋgga guovllus leat mangrove-vuovddit jávkame. Muhtin báikkiin leat muorat adnon báberindustriijai, ja de leat badjelmearálaš olu muorat čullon.

Mangrovevuovddit leat deaŧalaččat máŋgga dáfus, dat:

• dollet eatnama čoahkis mearragáttiin ja nu eastadit eanamollaneami
• addet suoji guliide ja šattuide
• bibmet planktoniid ja guliid go lasttat ja oavssit gahččet merrii
• addet boaldámuša, huksengálvvuid, biebmooljju ja dálkasiid

Muhtin riikkat, nu go Amerika ja Thailanda, leat ásahan guovlluid gos mangrovevuovddit suodjaluvvojit.