4.10 - Gaskkás ja Duopma
Govva: Arnstein Rønning, Wikimedia Commons.
Govva: Olaf Studt, Kilde: Wikimedia Commons.
Gaskkás/reatká (Juniperus communis) lea árbevirolaččat geavahuvvon dálkkasšaddun ja maid ávnnasmuorran. Ovdalaš áigge láveje gaskasa vuoššat ja dainna čáziin bassat vuovttaid. Gaskasmuorjjit geavahuvvojit máistagin málesteames.
Duopma (Prunus padus) lea soddjilis ja nanu muorra. Dan atnet dávjá čahcamuorran reagaide ja fárppalgierdduide doallat fárpala čoahkis.