NJÁHKÁ

Govva
Creative Commons by-nc-sa
Govva: commons.wikipedia.org.

Njáhká lea bodneguolli ja eallá čiekŋalis báikkiin, muhto čakčat go čáhci galbmo de láve coages báikkiide boahtit guohtut. Dološ bivdovuohki čakčat lea šluppuin bivdit. Dát bivdinvuohki lea vázzit gátte mielde go ain lea asehis jiekŋa. Go oaidná njágá jieŋa vuolde, de časká šluppuin nu ahte guolli meanahuvvá. Dalle ferte johttilit čuollat ráiggi jikŋii ja gaikkehit jieŋa ala ovdal guolli fas ealáska. Muhtin sajiin Suomas ain doaimmahit dán bivddu. Njáhká gođđá dálvet gaskkal juovlamánu ja ođđajagimánu ja bidjala meađđemiid bodnái ovdal go loktanit botnis ja govddodit čázis.

Njáhká sáhttá šaddat oalle stuoris ja lea oalle dábálaš gullat njágáid birra mat deddet badjel 5 kilo. Njáhká ii leat nu bivnnuhis biebmoguolli, muhto das lea hui njálgga vilges cuohppa ja muhtin olbmot dadjet das lea máhku dego vuonccás.