RÁVDU

Govva
Creative Commons by-nc-sa
Govva: commons.wikipedia.org.

Rávdu lea dat guolli mii ovddasta Finnmárkku ja muđui davviguovlluid su rukses čovjjiin ja viddagiin mas leat vilges geažit. Rávdu lea okta galbmačáhceguolli. Geasset vuojada čiekŋalasas muhto go eahkes galbmá de boahtá lagabui gátti guohtut. Rávdu guohtu divrriid muhto go stuorru de láve eará guliid meađđemiid borrat.

Rávdu gođđá čakčat báikkiin maid gohčodit várpin. Dalle leat várppiin čoahkkanan olu rávddut. Rávdu bidjala meađđemiid fiinna sádduid sisa. Rávdu lea álo leamaš bivnnuhis biebmoguolli maid lávejit sáltet, vuoššat ja bassit. Rávddu sturrodat sáhttá leat hui máŋggalágan. Dábálaččat leat rávddut gaskkal 500 grámma ja 1 kilo. Muhtomin sáhttá oažžut rávdduid mat leat badjel 5 kilo, muhto dat lea hui hárve.