HÁRRI

Govva
Creative Commons by-nc-sa
Govva: anglerslifelist.com.

Hárri lea luossaguolli, ja hárri sáhttá sulástahttit čuovžža, muhto hárris lea seavdnjadit čuopma, ja hárris lea stuora hárji čielggis mas sáhttet leat olu iešguđetlágan ivnnit, nugo alit, ruškat ja ruosta ivdni. Hárri gávdno sihke Norggas, Ruoŧas ja Suomas, ja hárri liiko rávnnjes báikkiide. Hárri sáhttá šaddat oalle stuoris muhto ii nu stuoris go omd. čuovža. Hárri mii deaddá badjel beannot kilo lea oalle stuora hárri. Hárri gođđá giđđat njuolga maŋŋil go jiekŋa suddá.

Hárri guohtu seamma ládje go čuovža, ja borra divrriid ja čuoikkaid, muhto sáhttá maid váldit smávva guliid, danin go njálbmi lea stuorát go čuovžžas. Hárri lea njálgga guolli muhto šaddá varasnaga borrat, danin go hárri ii riibba nu guhká ja ávžžuhuvvo bassit dehe vuoššat varasnaga.