Luondu ja biras

3.6 - Eanandoallu

Video: Galdu.org. Creative Commons by-nc-sa

Davviguovlluin lea unnán gilvojuvvon areála. Eanadat ja dálkkádat dahká ahte ii sáhte šaddadit dan seamma maid lullelis sáhttet. Danne lea davviguovllu eanadoallu dábálaččat šibitdoallu.

Eanadoallu lea rievdan olu. Ovdal lei bivdu dábáleabbo lassin eanadollui. Dainnalágiin sáhtte birget vel dalle nai jus lei heajos geassi ja heittot šaddu. Lei maid dábálaš láddjet niittuid go eai lean doarvái gilvojuvvon giettit.

Ovdal atne muhkkiid duktan gittiin. Dál leat goanstaduvttat dábáleamos dukta dahje adnojit lassin muhkiide. Sihke muhkkiin ja goanstaduvttain leat buorit ja heajut bealit.

  • Goanstaduvttat lea čorgadat ja leat dakkár hámis ahte lea álki geavahit. Goanstaduvttain luovvanit bibmosat johtilit, muhto bassojit álkibut eret eatnamis. Jus olu duvttat čuvvot čázi mielde, de daguha dat badjelmeari duktema jogain, jávrrin ja mearas. Dat dahká ahte álgašaddu ja rásit lassánit, juogo mii billista lunddolaš balánssa. Galbma guovlluin eai luovvan doarvái bibmosat ahte šattut šaddet bures. Dalle veahkehit goanstaduvttat.
  • Muhkkiin lea dat ovdamunni ahte bibmosat luovvanit njozet, ja nu háhppehit šattut ávkkástallat daid. Muhkit dahket ahte eana doallá čázi buorebut, ja muhkiin leat unnán lossametállat. Muhkkegeavaheapmi lea maid buorre go jurddaša ekologalaččat; bidjat resurssaid fas ruovttoluotta eatnamii.