Luondu ja biras

3.8 - Meahcásteapmi

Video: Ovttas.no. Creative Commons by-nc-sa

Eamiálbmogiin lea bivdu ja meahcásteapmi, guolásteapmi ja boazodoallu árbevirolaš eallinvuohki ja birgenláhki. Davviguovlluin lea dábálaš bivdit fuođđuid ja guliid, murjet ja eará láhkái ávkkástallat luonddu. Dat lea mielde nanneme olbmo gullevašvuođa ja identitehta. Bivdu, nugo ealgabivdu lea máŋgasiidda lassiealáhus ja mávssolaš oassi eallinvuogis.

Árbevirolaš jurddašanvuohki lea ahte ii galgga bivdit eambbo go dárbbaša ja luondu gierdá. Nu maid go guliid bivdá dahje earaládje ávkkásta luonddus. Olmmoš ferte álo jurddašit bisuhit luonddu riggodagaid ja ahte boahtte buolvvaide maid lea vejolaš ain ávkkástallat luonddu riggodagaid.

Loga eambbo Loga eambbo