Luondu ja biras
Loga eambbo

DDT ja HCH

DDT (Diklor-Difenyl-Triklorethan) ja HCH (heksaklorosykloheksan) leat syntehtalaš šaddogáhttenávdnasat maid leat atnán divrriid vuostá. Dat hágganit áimmu ja mearrarávnnjiid mielde.

DDT válde atnui maŋŋil nuppi máilmmisoađi ja lea leamaš anus gitta álggogeahčai 70-jagiin go gildojuvvui measta miehtá oarjemáilmmi. DDT adno ain muhtin guovlluin malaria ja divrriid vuostá.

DDT lea unnán mollehahtti, čoggo buoidái ja váikkuha sahkkehusa. Lottiid moniin asehuvvá garra ja ii gierdda lállima, ja de eai šatta čivggat. DDT sáhttá daguhit borasdávdda ja vahágahttit sahkkehusa maid olbmuin.

HCH lea hormonláhttejeaddji ja nu váikkuha sahkkehussii ja sáhttá maid vahágahttit dávddaid vuostálastinnávcca ja enzymavuogádaga. Ávdnasat sáhttet maid daguhit borasdávdda.