Luondu ja biras
Loga eambbo

Dioksiinnat

Dioksiinnat leat ávdnasat mat kemiijalaččat sulastahttet PCB. Dat hágganit áimmu ja meara mielde.

Dioksiinnat leat veaháš juohkesajes birrasis, muhto eanemus čoahkkebáikkiid lahka gos lea industriija. Ávdnasat bohtet industriijaproseassain ja boaldindoaimmahagain. Ávdnasat leat mirkkolaččat sihke elliide ja olbmuide, unnán mollehahttit ja čoahkkanit biepmusráidduin.

Elliin sáhttet ávdnasat váikkuhit čivgamii, vahágahttit hormon- ja nearvavuogádaga čivggain šattadettiin. Ávdnasat leat váikkuhan dávddaid vuostálastinnávccaide ja daguhan ihtalemiid. Ávdnasat sáhttet maid daguhit borasdávddaid. Olbmot sáhttet oažžut dioksiinnaid vuosttažettiin biepmu bokte, nugo meieriija buktagiin ja buoiddes guolis.

Dioksiinnaid hivvodat lea mannán vulos go ii luitojuvvo šat nu olu birrasii. Industriija proseassaid buorideapmi, industridoaimmahagaid heaittiheapmi, buoret ráidnen ja ođđaset rusttegat leat leamaš mielde unnideame luoitimiid. Maid ladjokeahtes bensiidna lea váikkuhan unnumii.