Luondu ja biras

8.8 - Militearahárjehallamat

Govva
Creative Commons by-nc-sa
Govva: Chief Yeoman Alphonso Braggs, US-Navy, Kilde: Wikipedia.
Govva
Creative Commons by-nc-sa
Govva: U.S. federal government, Photo: SSGT RODNEY K. PROUTY, Kilde: Wikipedia.

Militeardoaibma ja birasgáhtten lea váttis heivehit oktii. Davviguovlluin lea eana rašši, duottareana vel ain rašit. Go eana vuos lea boltojuvvon, váldá guhkes áiggi ovdal eana savvu fas.

Militeardoaibma geavaha viiddis arealaid davviguovlluin. Vuos leat ásahusat gos soalddáhat leat dan áiggis go leat bálvalusas. Dasa lassin leat guovllut gos galget hárjehallat báhčit ja soahtat.

Muhtin báikkiin leat olbmot ferten fárret eret go Suodjalus lea dárbbašan sin eatnama ja báikki dahje go ii leat orohahtti nu lahka militearbáikkiid. Dat lea daguhan máŋga riiddu, sihke ássama ja ealáhusa dáfus.

Sonára lea maid juoga maid suodjalus geavaha mearas. Dutkit Englánddas ja Spanias geat leat dutkan imašlaš bosso- ja delfinjápmimiid maŋŋil militearhárjehallamiid leat gávnnahan ahte sonárat ja seismihkkageavaheapmi mearas váikkuhit guliide ja mearranjiččehasaide. Suodjalus lea unnidan sonargeavaheami ja leat mearridan njuolggadusaid movt sonáraid galget atnit. Oljoindustriija atná maid seismihka ja sonáraid go ohcet oljju.