Čuomaid dahje guollenáhkiid dikšun

1.3 - Čuomasteapmi

Guliid ferte čuomastit ovdal álgá dikšut.

Video: Sara Ellen J.E. Heahttá. Creative Commons by-nc-sa

Guliid lea álkimus čuomastit ovdal go čolle ja váldá čuoma dahje guollenáhki eret.

Go galgá čuomastit de dárbbaha niibbi dahje eará faskkona, mii ii leat nu bastil.

Guliid čuomastat ná: Bija guoli dahje guollečuoma fiellu/beavddi nala ja faskko guolis čuopmasiid eret. Álgge beahcehis ja fasko oaivvi guvlui. Dárkkis ahte buot čuopmasiid leat ožžon eret. Jus čuopmasat báhcet gokkoge, de dakko ii dikšojuvvo čuopma, muhto guohcaga ja iige gierdda maidege.