Luondu ja biras

2.5 - Lottit

Uhcačáhni
Creative Commons by-nc-sa
Uhcačáhni
Govva: Thermos, Kilde: Wikimedia Commons.

Lottit árktalaš ja antárktalaš guovlluin.

Geasset bohtet hui olu bárbmolottit main lea lállinbáiki tundras, jeaggebáikkiin mearragáttis dahje taigavuvddiin. Leat millijovnnat lottit mat čoahkkanit daid ceakko bávttiide Bjørnøyas, Novaja Semljas, Frans Josef-eatnamis ja Svalbárddas.

Lottit fievrredit hui olu bibmosiid mearas ja luitet daid birra lállinbáikkiid ja dainnalágiin duktadit eatnama. Danne sáhttet leat šattut ja heakkalaččat gáttis vel nie guhkkin davvin maid. Čáhccás eatnamat ja olu jávrrit ja láddot geasuhit olu divrriid geasset. Divrrit monnejit daid olu láddožiidda ja leat maid biebmun lottiide.

Lottit árktalaš guovlluin fertejit heivehit dili temperatuvra- ja dálkerievddademiide. Goas ain muohta suddá sáhttá rievdat jagis jahkái. Dát váikkuha lottiid monnen ja lállin áigodahkii. Dat fertejit monnet nu fargga go vejolaš maŋŋil go leat ollen monnenbáikái, oanidit lállináiggi ja láhčit dili vai čivggat sturrot johtilit ja girdigohtet árrat..