11.1 - Nahtadimmie

Govva
Creative Commons by-nc-sa
Govva: Saemien lohkemejarnge Elgå.

Sadh seamma maam galkh darjodh bolle beapmoeh daarpesje jis galkh åajsodh. Beapmojste bolle gaarhkh åådtje. Beapmoej sisvege dle tjaetsie, protein, karbohydraath, buejtie, vitamijnh jïh mineraalh. Gaajhkh dejtie biehkieh aevhkie bollese. Jis galkh dejtie nahtadidh tjoerh beapmoem voestegh njaelmesne njeervedh. Baenie, njoektjeme jïh tjalkh beapmoem sueskieh juktie vååjnoes goh kraavhtse. Njaelmeste tjovven tjirrh tjåajjan jåhta. Tjåejjesne jïh luhkiegööktegïeten tjåelesne dïhte kraavhtse jeatjah nahtadimmietjaetsine bleentesovvin, destie siegkiestjåalan gusnie nuhteges biehkieh bollese juhtieh vïrren tjirrh. Minngemes maam aajmene dle voeresbuajtan jakseme jïh destie vualka goh bajhke.