7.4 - Daaje maadtan-laakan
Laavenjasse: Lohkh tekstem jïh soptsesth guktie maahtah Meerhkem viehkiehtidh.
Aajja bööti gihtjie jis satne sov klaasetjelmide åajaldehteme.
- Idtjim dejtie vuejneme, men vuartesjh dom nubpie tjïehtjelisnie kaanne desnie, Meerhken tjidtjie vaestede.
- Idtji desnie. Im guarkah gusnie manne dejtie bïejeme, hohtjeme abpe aereden bene idtjim gaavneme. Tjoerem gåatan vaedtsedh vielie hohtjedh.
- Vuertieh dle ånnetji, gaskebiejjien beapmoe riejries, baatsedh dle byöpmedidh.
- Å, gudtsien!
- Veedtjh datne Meerhkem. Dïhte bijjielaptesne leaksojde lohkeminie.
Aajjebe bijjielaptese vaadtsa jïh Meerhken tjïehtjelasse. Gosse Meerhkem vuajna dle hearpa.
- Jöödtedh, maam datne åejjiem dorjeme? Meerhken åejjien bïjre dle stoerre veelkes skarhta.
Meerhke åejjiem aajjan vööste jarka, dle aajja vuajna skarhta tjelmi bijjelen aaj jåhta jïh göökte raejkieh gusnie sov klaasetjelmieh.
- Jemmede, maam datne darjoeminie jïh mannasinie mov klaasetjelmide åtnah?
- Maam dle deahpadamme? Tjidtjebe aaj bööti gihtji.
-Manne barre aajjan klaasetjelmide lööneme dannasinie im buektedh dejtie smaave baakojde gærjesne lohkedh. Sïjtem vuejnedh jis buerebe gåårede klaasetjelmiejgujmie, Meerhke såårnoe.