1.1 - Mii lea máinnas/ fabel?

" Jierbmi birge gávvilisvuođas " lea máinnas/ fabel.

Dárogillii gohčoduvvo máinnas ”eventyr”, eŋgelasgillii fairy tale, ja lea muitalus mii ii adno duohtan. Máidnasat lávejit leat ealliid, stáluid, gopmiid jna. birra.

Muhto "Jierbmi birge gávvilisvuođas" lea fabel muitalus.

Mat leat fabela dovdomearkkat?

1. Fabel sjanger lea dávjá čatnun máidnasii/eventyr.

2. Fabel lea oanehis, moralalaš muitalus. Lea dávjá muhtinlágan morála mas mii galgat oahppat juoidá. Dat mii lea buorre álo vuoitá ja oažžu ánssu ja dat mii lea bahá vuoittáhallá ja ráŋggáštuvvo.

3. Váldokarakterat leat dávjá eallit.

4. Dávjá ožžot eallit olmmošlaš iešvuođaid, gos eallit máhttet hállat.

5. Sii dávjá jurddašit ja láhttejit dego olbmot.

6. Loahppa
   Máinnas loahppá dávjá ná: Dan rájes elle buohkat ilolaččat ja ráfálaččat, dahje Dan rájes ii leat šat.... oidnon dahje gullon.

7. Njálmmálaš giella
   Máidnasiin lea dávjá njálmmálaš giella ja danne maid ollu replihkat mat ealáskahttet dáhpáhusaid. Danne heive bures máidnasiid dramatiseret.