8.4 - Bollen vaarjelimmie
Bollen leah sjïere vuekieh skïemtjelassi vööste vaarjelidh.
Voestes vuekie bolle åådtje gosse reakasovvi, jïh dan dïrregh leah njaltja jïh njevlehkh.
Njaltja bollen åvtebieliem vaarjele, juktie eah naan bakterijh jallh vijrush bollen sïjse maehtieh tjaangedh. Njaltja aaj biejjien uv-laemtjiej vööste vaarjele. Njevlehkh bollen sisnie gååvnesieh jïh dah infeksjovni vööste vaarjelieh.
Nubpie vuekie lea vïrre. Vïrresne rööpses vïrre-daablh mah syjrem jïh koldioxidem juhtieh. Veelkes vïrre-daablh infeksjovni vööste vaarjelieh. Gåalmeden daablh maehtieh darjodh juktie vïrre leehpie, dam sån vueptiestamme gosse naan aejkien saejriem åadtjome. Voestegh dennie saejreste tjarke barta, bene boelhketjen mænngan dle vïrre leehpie. Vihkele dle saejriem bïssedh jïh njimkedahkem bïjre bïejedh juktie ij naan bakterije maahta tjaangedh.
Gaaltije:Människokroppen, Olav Sand, Øystein V.Sjaastad, Egil Haug, Jan G.Bjålie