Čuomaid dahje guollenáhkiid dikšun

1.1 - Makkár guliin sáhttá čuomaid dikšut?

Eanas guollešlájain sáhttá dikšut čuomaid.

Sihke mearaguliin ja sáivaguliin sáhttá dikšut čuomaid. Makrealla čuopma gal ii anit go lea beare asehaš ja rašši. Dábálaččamus ja buoremus náhkiid oažžu dáin guliin:

  • Sáivaguliin: njágás, hávggas, dápmohis, rávddus ja čuovžžas. Čuovžžas lea hui asehis čuopma, muhto šaddá čáppa náhkki go oste. Vuskkona lea hui váttis čuomastit, muhto das leat hui čáppa čuopmasat maid sáhtálii hearvan váldit.
  • Mearaguliin: luosas, dorskis, botnihis, báldás, sáiddis ja stáidnáris.